(ABC-Sanchar)
दाङ । राप्ती प्रादेशिक अस्पतालका मेसुमाथी दलिएको कालो मोसो प्रकरणमा अभियोगमा पक्राउ परेका एक जना पुर्वपक्षका लागि अदालतले थुनामा पठाएको छ भने तीन जना धरौटीमा रिहा भएका छन् ।
गएको भदौ ११ गते राप्ती प्रादेशिक अस्पताल तुलसीपुरका मेडिकल सुपरिटेण्डेन्ट डा.बिनोद सिंहलाई कार्यकक्षमै कालोमोसो दलेको अभियोगमा पक्राउ परेका दिलिप डाँगी पुर्वपक्षका लागि थुनामा गएको जिल्ला प्रहरी कार्यालय दाङले जनाएको छ । दाङ देउखुरी जिल्ला अदालतले थुनछेक आदेशमा डागिलाइ पुर्पक्षका लागि थुनामा पठाउने र ३ जनालाइ धरौटिमा छोड्न आदेस दिएको हो ।
जिल्ला प्रहरी कार्यालय दाङका प्रहरी प्रबक्ता डिएसपी मुकुन्द रिजालले जानकारी दिनुभएको छ ।मोसो प्रकरणमा संलग्न रहेको आरोपमा पक्राउ परेका सर्जन परियार, गणेश खड्का र दिवस क्षेत्री भने ५० हजार रुपैँया धरौटी बुझाएर आईतबार रिहा भएका छन । मेसु सिंहले परियारसहित उनको समुहले कार्यकक्षमा आफुलाइ कालोमोसो दलेको बताएका थिए ।
बिरामीहरुको कल्चर जाँचका बिषयमा नेकपा एमाले निकट विद्यार्थी संगठन अखिलका संयोजक सर्जन परियारको नेतृत्वमा गएका केही युवाहरुले मेसु सिंहलाई कार्यकक्षमै मोसो दलेर भागेका थिए । केही दिन लुकिछुपी बसेका परियार आफै जिल्ला प्रहरी कार्यालय दाङ पुगेर आत्मसमर्पण गरेका थिए । पक्राउ परेपछि परियारको समूहले प्रहरी हिरासतमै भोक हड्ताल गरेका थिए ।
