(ABC-Sanchar)
दाङ । आन्तरिक राजश्व कार्यालय तुलसीपुर दाङले प्यूठान जिल्लाबाट ठूलो परिमाणमा अवैध सुर्तिजन्य पदार्थ बरामद गरेको छ ।
कर छलेको सामान बिक्री गरि रहेको गोप्य सूचनाका आधारमा निरिक्षणमा पुगेको टोलीले प्यूठानको सारीबाङबाट ७१ बोरा बजरंगी नामक सुर्ती बरामद गरेको आन्तरिक राजश्व कार्यालय तुलसीपुरका प्रमुख गोपीकृष्ण कोइरालाले बताए ।
उक्त सुर्ती कात्तिक ९ गते सारीबाङका नारायण पौडेलको पसलबाट बरामद गरिएको प्रमुख कोईरालाले जानकारी दिए ।
ठूलो परिमानमा कर छलिको अबैध सुर्ती बरामद भएसंगै तत्कालै पौडेललाई पनि नियन्त्रणमा लिइएको थियो ।
कार्यालय प्रमुख कोइरालाले पौडेलले अबैद्य रुपमा कर छलिका सामान ल्याएर बिक्रि बितरण गर्दै आएको गोप्य सूचनाका आधारमा अनुगनमा पुगेको टोलीले ७१ बोरा अबैध सुर्ती बरामद गरेको जानकारी दिए ।
सर्तीमा राजस्वको स्टिकर नटाँसेको पाइएको हुँदा सामानसहित पसल धनी पौडेललाई पनि नियन्त्रणमा लिइएको बताए ।
नियन्त्रणमा लिइएको सामान हाल अनुसन्धानका लागि आन्तरिक राजश्व कार्यालय तुलसीपुरमा राखिएको प्रमुख कोईरालाले बताए ।हामीले पसल धनिसंग बयान लिने क्रम जारी छ,’ कोईरालाले भने ‘बयानका आधारमा दोषी उपर आवश्यक कानुनी कारबाहीको लागि प्रक्रिया अगाडि बढाइने छ ।’
राजश्व कार्यालय तुलसीपुरले साबिक राप्तीका पाँच जिल्लाहरुलाई कार्यक्षेत्र बनाएर यसअघि काम गर्दै आएको थियो ।