(ABC-Sanchar)
काठमाडौं । पाकिस्तानको आर्थिक राजधानी कराचीमा एक निजी बैंकको शाखाभित्र भएको भयानक विष्फोटमा कम्तीमा १४ जनाको मृत्यु भएको छ । ठूलो संख्यामा अन्य व्यक्तिहरु घाइते भएको बताइएको छ । कराची पुलिसका एडिशनल आइजी गुलाम नबी मेमनका अनुसार विष्फोट बैंकको भवनमुनि रहेको ग्यास पाइपलाइनमा चुहावटका कारण भएको आशंका गरिएको छ ।

यद्यपि एडिशनल आइजी मेमनले विष्फोटको वास्तविक कारण केवल विशेषत्रले बताउन सक्ने बताए । सिंध प्रान्तका स्वास्थ्य मन्त्रीका अनुसार यो घटनामा अहिलेसम्म १४ जनाको मृत्यु भइसकेको छ । उनले भने ‘यो घटना ठूलो त्रासदी हो । मृतकहरु र घायलहरुलाई कराची सिभिल अस्पताल ट्रमा सेन्टर र जिन्ना अस्पताल लगिएको छ ।’

सिंधका मुख्यमन्त्री मुराद अली शाहले कराचीका आयुक्तको घटनाको जाँच गर्न निर्देशन दिएका छन् । सिंधका स्वास्थ्य मन्त्री डा. अजरा पोचोहोको निर्देशनमा ट्रमा सेन्टर र जिल्ला अस्पतालमा आपतकाल घोषित गरिएको छ । स्वास्थ्य मन्त्रीले जारी गरेको बयानका अनुसार १२ जनाको शव ट्रमा सेन्टर पुगिसकेको छ र २ शव बाटोमै छन् । ११ शवको पहिचान गरिएको छ । घाइतेहरुको अवस्था गम्भीर भएको बताइएको छ । एक जना भेन्टिलेटरमा र एक जना आइसीयुमा भएको बताइउको छ । एजेन्सी

सम्बन्धित

अफगानिस्तानमा टिकटक र पब–जीमाथि प्रतिबन्ध

संकटकाल घोषणासँगै श्रीलंकामा सामाजिक सञ्जाल पनि बन्द

चीनमा १३ हजार कोरोना संक्रमित

भारतको दिल्लीमा नेपालबाट दैनिक २ वटा उडान हुन्छ पर्यटन मन्त्री आले

गोलीबारीमा २ जना पत्रकार युक्रेनमा मारिए

सरकारले नेपाली श्रमिकहरुको लागि मलेसियामा श्रम स्वीकृति खुल्याे