प्रकशित मिति : २८ पुष २०७८, बुधबार १३:२३


(रवि वर्णवाल)
पर्सा । यातायात व्यवस्था कार्यालय लाइसेन्स शाखा वीरगञ्जको मेडिकल टेण्डर प्राप्त गरेका डा. अम्बेडकर कुमार यादवले लाखौँको राजस्व छली गरेको तथ्य फेला परेको छ ।

४ वर्षदेखि यातायात व्यवस्था कार्यालय लाइसेन्स शाखाको मेडिकल टेण्डरमा एकलौटी रजाई गरीरहेका डा. यादवले आम्दानीको टिडिएस नतिरेर राजस्व छली गरीरहेको प्राप्त प्रमाणले पुष्ठि गरेको छ ।

वि.स. २०७४ सालमा मेडिकल टेण्डर प्राप्त गरेदेखि हरेक वर्षमा पुनः टेण्डर आह्वान हुनुपर्नेमा त्यसो नभएर लगातार डा. यादवले नै कब्जा जमाएर बसेको पाइएको छ । आफ्नो जिम्मामा टेण्डर परेपनि आफूले काम नगरी अरु २ जना चिकित्सकलाई राखेर डा. यादवले रौतहटको चन्द्रपुरस्थित अस्पतालमा काम गरीरहेका छन् । एनएमसी नम्बर १५४०२ रहेका डा. यादवले डा. रामएकवाल राय र डा. रमेश महतोलाई निरोगिता प्रमाण पत्र प्रदान गर्ने जिम्मेवारी सुम्पिएका छन् । अरुलाई काम लगाएपनि डा. यादव बेला बेला आएर निरीक्षण गर्नुपर्नेमा उनी लामो समयदेखि कार्यालयमा अनुपस्थित छन् ।

प्रति व्यक्ति निरोगिता प्रमाण पत्रबापत रु. १ सय र रक्त समुह परीक्षणको रु ५० का दरले डा. यादवले टेण्डर पाएका थिए । सोही दरलाई आधार मानेर प्रतिदिन निरोगिता प्रमाण पत्र र रक्त समूह परीक्षण बापत झण्डै ६० हजारको हाराहारीमा रकम संकलन हुने गरेको छ ।

अर्थात १ वर्षमा लगभग १ करोड ६० लाख रकम हुन जान्छ । स्वास्थ्य परीक्षण गरेबापत डा. यादवले १५ प्रतिशत टिडिएस तिर्नुपर्ने सरकारी प्रावधान रहेपनि यादले ४ वर्षदेखि करोडौँ रकमको टिडिएस नतिरेर सरकारको राजस्वसमेत छली गरेको पाइएको स्रोतले जनाएको छ ।

यता चिकित्सकले सामान्य मेडिकल जाँच समेत नगरी रकम लिएर अशक्तहरुलाई समेत निरोगिता प्रमाण पत्र प्रदान गरेको छ। यात्रा-डेलीबाट


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

प्रधान/सम्पादक नुकेन्द्र प्रताप सिंह
सम्पर्क 9848262615/9847845918
email- [email protected]

Copyright © 2015-2022 AbcSanchar.com