ABC (क्राईमबिट)
बाँके । नेपालगञ्ज-७ गगनगञ्जका २८ बर्षीय आदित्य श्रेष्ठ, सोही ठाउँका २६ बर्षका अंकित श्रेष्ठ र सुर्खेत विरेन्द्रनगर नगरपालिका ६ का ३८ बर्षीय गणेश भण्डारी पक्राउ परेका हुन् । आदित्यको घरमा लागूऔषध ब्राउनसुगर ल्याई बेचबिखन भइरहेको भन्ने गोप्य सूचनाको आधारमा वडा प्रहरी कार्यालय नेपालगञ्ज र लागूऔषध नियन्त्रण ब्युरो नेपालगञ्जबाट खटिएको प्रहरी टोलीले घर कोठा खानतलासी गर्दा नगद १ लाख ४४ हजार रुपैयाँसहित उनीहरुलाई पक्राउ गरेको हो ।
उनीहरुको साथबाट ३० ग्राम ब्राउन सुगर जस्तो पदार्थ, तौल गर्ने तराजु र नगद १ लाख ३४ हजार बरामद गरिएको जिल्ला प्रहरी कार्यालय बाँकेले जनाएको छ । उनीहरुलाई नियन्त्रणमा लिई आवश्यक अनुसन्धान अघि बढाइएको छ ।
