ABC (क्राईमबिट)
काठमाडौँ । प्रहरी नायब उपरीक्षक (डीएसपी) रमेश सिंहलाई ८ महिना कैद सजाय सुनाइएको छ। उमेर घटाएर नक्कली प्रमाण पत्र पेस गरी प्रहरीमा जागिर खाएपछि कीर्ते कागजात कसुरमा अदालतले कैद सजायसँगै १५ हजार रुपैयाँ जरिवाना पनि तोकेको छ।
सिंहविरुद्ध अख्तियार दुरुपयोग अनुसन्धान आयोगले मुद्दा दायर गरेसँगै विशेष अदालतका न्यायाधीशहरू श्रीकान्त पौडैल, बलभद्र बाँस्तोला र शालिग्राम कोइरालाको इजलासले दोषी ठहर गरेको हो।
विशेषा अदालतले उनले एसएसलीको चारित्रिक प्रमाण पत्र नक्कली बनाएर त्यसैको आधारमा नागरिकता बनाएको ठहर गरेको छ।
कीर्ते कागजात कुसुरमा सिंहलाई विशेष अदालतले दोषी ठहर गरेपनि सजाय सुनाएको थिएन।
सिंहले आफ्नो जन्म मिति २०३२ हुनुपर्नेमा २०३३ साल बनाएर नक्कली प्रमाणपत्र पेस गरी प्रहरी निरीक्षकमा भर्ना भएको अदालतको ठहर छ।
प्रहरी निरीक्षकमा भर्ना हुँदा उमेर २५ वर्ष ननाघेको हुनुपर्नेमा उनको उमेर बढी भइसकेको पाइएको छ। उनले २०५८ मंसिरमा प्रहरी निरीक्षकमा भर्ना हुन आवेदन दिएका थिए ।
