ABC (क्राईमबिट) बुटवल । नेपाल प्रहरी संगठन प्रमुख प्रहरी महानिरीक्षक आईजिपी बसन्त बहादुर कुँवरबाट बुटवल उप-महानगरपालिका वडा नं.३ स्थित ईलाका प्रहरी कार्यालय बुटवल रुपन्देहीको परिसरमा नव-निर्मित भवन, कार्यालय प्रमुखको निवास, प्रहरी ब्यारेक, प्रहरी भान्सा घर तथा नागरिक सहायता कक्ष भवनहरूको समुद्घाटन सम्पन्न गरियो ।
उक्त समुद्घाटन कार्यक्रममा नेपाल प्रहरी संगठन प्रमुख आईजिपी कुवरबाट कार्यालयको अवलोकन निरीक्षण गर्नुका साथै प्रहरी कर्मचारीहरुलाई निर्देशन सम्बोधन तथा आम नागरिकहरुसँग अन्तरक्रियात्मक छलफल समेत गर्नुभएको थियो ।
