(बिदुर एमसी)
दाङ । देउखुरी राजपुर गाउँपालिका वडा नम्बर २, मटेरिया राप्ती नदिकाे घाटमा महिनौं दिनदेखि दिनहुँ दर्जनौं जेसिभी, स्काईभेटर र सयौं ट्याक्टर टिप्परहरु प्रयोग गरि व्यापकरुपमा उत्खनन गरिएको छ । 
लमही नगरपालिका वडा नम्बर ७ काे कप्तानगञ्ज र हसनापुरमा रहेको सम्राट सिमेण्ट उद्योगको नजिकै अचम्मको कुरा त के छ भने त्यसरी उत्खनन गरिएको स्थानकाे जिम्मेवारी न लमही नगरपालिकाले लिन मान्छ न त राजपुर गाउँपालिकाले । उनीहरूको कुरा सुन्दा यस्तो लाग्छ, मानौँ बिना मालिकको सम्पत्ति हो यो ।
स्थानीय सरकार, प्रशासन तथा जिल्लास्थित सरोकारवालाहरु मौन छन् । करोडौं रुपैयाँँ राजस्व मारेर मनपरि चलिरहेको भनेर स्थानीयहरुले बताएका छन् ।
