(ABC-Sanchar)
काठमाडौं । बुधबार राति काठमाडौंबाट दमामका लागि उडेको आरए २४१ उडानको जहाज पाकिस्तानको सीमा समाप्त भएर कुवेत प्रवेश गर्ने क्रममा प्रवेश नपाएपछि नेपाल नै फर्किएको हो ।
नेपाल एअरलाइन्सको उक्त जहाजमा टिकास प्रविधि फेल भयो थियो । यो प्रविधिले अरु जहाजसँगको दूरीबारे जहाजलाइ जानकारी दिन्छ ।
यसै प्रविधिको सहायताले पाइलटले आफ्नो जहाजलाई अरु जहाजसँग ठोक्किनबाट रोक्न तलमाथि गराउने वा मार्ग परिवर्तन गर्न सक्छन् । तर नेपाल एअरलाइन्ससँगको बुधबारको उडानमा यो प्रविधि फेल भएको त्रिभुवन अन्तर्राष्ट्रिय विमानस्थल स्रोतले जानकारी दियो ।
कुवेतको वायुसेवा नियममा टिकास प्रविधि नभएका जहाजलाई आफ्नो आकासमा प्रवेश नदिने उल्लेख भएका कारण नेपाल एअरलाइन्सले पनि कुवेतको आकासमा प्रवेशको अनुमति पाएन् ।
बुधबार राति फर्केको जहाजका यात्रुलाई अर्को जहाजबाट पठाउने तयारी भइरहेको नेपाल एअरलाइन्सले जनाएको छ ।
