महेन्द्र सिंह /बिदुर एमसी
दाङ मङ्सिर २६ दाङ देउखुरी भालुवाङ्गस्थित राप्ती नदिमा भएको उत्खननमा आएको अवरोध कायमै रहेकोे बताइएको छ ।
सरकारले आफूहरूको पिरमर्काप्रती वेवास्ता गरेर एकलौटी रूपमा नदिजन्य बस्तुहरुको ठेक्का दिएको भन्दै स्थानीय बासिन्दाहरुद्वारा राप्ती नदिमै पहरा दिएर उत्खननमा अवरोध गरिएको हो ।
राष्ट्रिय गौरवको आयोजनाको रूपमा मानिने बड्कापथ सिचाइ अायाेजना, भालुवाङकाे शिवमन्दिर, यहाँ रहेका शिया र सुन्नी दुई मुस्लिम समुदायका मस्जिद लगायतका सिङ्गो मानव वस्ती नै जोखिममा पर्नसक्ने भनेर उनीहरू आन्दोलित भएको बताएका छन् ।
आन्दोलनमा सहभागीहरुले नदिमै रखवाली गर्नुको साथै उत्खननमा आएका केही ट्र्याक्टरहरुलाई रित्तै फर्काएका पनि थिए भने केही त जफत पनि गरेका थिए ।
वडा कार्यालयमा भएको सहमति अमान्य ।
तत्पश्चात पूर्वी देउखुरीको राप्ती गाउँपालिका वडा नम्बर १ काे अाव्हानमा साेही विषयमा सहमति जुटाउन भनेर स्थानीय बासिन्दाहरुको बैठक बोलाइएको थियो ।
वडा नम्बर १ का अध्यक्ष ताराबहादुर डिसी र आन्दोलनकारीहरुका वीच निकैबेर रस्साकस्सी पनि चल्यो ।
असन्तुष्ट पक्षका नेतृत्वकर्ता र वडाध्यक्ष डिसीका वीच त्यहाँ केही सहमति भएकोजस्तो देखापरे तापनि आमरुपमा असन्तुष्टी देखिएको हुनाले उक्त सहमति अमान्य भएको आन्दोलनको नेतृत्वदायी भूमिकामा रहेका स्थानीयबासी गेमबहादुर खड्काले स्पष्ट पारेका छन् ।
हामी नेतृत्वले मानेर केगर्नु आम जनताले त मानेकै छैनन्, खड्काले बताए ।
