मकवानपुर । हेटौंडा नेपाल सरकारका माननीय गृहमन्त्री रमेश लेखकको प्रमुख आतिथ्यतामा मकवानपुर निर्माण व्यवसायी संघको कार्यक्रम तथा बागमती प्रदेश सुरक्षा समितिका पदाधिकारीहरू एवं मकवानपुर जिल्ला सुरक्षा समितिका पदाधिकारीहरूसँग छलफल तथा निर्देशन कार्यक्रम सम्पन्न भएको छ ।
सोही क्रममा यस बागमती प्रदेश प्रहरी कार्यालय हेटौंडामा माननीय गृहमन्त्रीको प्रमुख आतिथ्यतामा बागमती प्रदेश सरकारका माननीय आन्तरिक मामिला तथा कानून मन्त्री सुरज चन्द्र लामिछानेमाननीय सहकारी तथा गरिबी निवारण मन्त्री मदु कुमार श्रेष्ठ लगायत प्रदेश एवं जिल्ला सुरक्षा समितिका पदाधिकारीहरूको उपस्थिति रहेको कार्यक्रममा बागमती प्रदेश प्रहरी प्रमुख प्रहरी नायव महानिरीक्षक कृष्ण हरि शर्माले समग्र बागमती प्रदेशको वस्तुस्थिति प्रतिवेदन समेत प्रस्तुतीकरण गर्नु भएको थियो ।
