२१ मंसिर २०८०, बिहिबार
07-12-2023 , Thu
×

सप्तरी प्रहरीले फरार रहेका १७ जनालाई पक्राउ गरेयो

Logo
प्रकाशित सोमबार, पुष २१, २०७६

सप्तरी पुस २० सप्तरीमा प्रहरीले विभिन्न मुद्दामा फरार रहेका १७ जनालाई एकै दिन पक्राउ गरेको छ । सोमबार जिल्लाको विभिन्न ठाउँबाट उनीहरुलाई पक्राउ गरी जिल्ला अदालतमा पेश गरिएको प्रहरीको भनाइ छ ।
ज्यान मार्ने उद्योग मुद्दाका जिल्लाको खडक नगरपालिका ४ बस्ने ५८ बर्षीय इसराइल मियाँ, कुटपिट मुद्दाका बलान बिहुल गाउँपालिका ३ बस्ने ५४ बर्षीय जयराम साह, लुटपिट मुद्दामा बोदेबर्साइन नपा ९ बस्ने ४७ बर्षीय चन्देश्वर साह तेली, यही ठाउँका ५७ बर्षीय झौली मण्डललाई कुटपिट मुद्दामा पक्राउ गरिएको छ ।
कुटपिट मुद्दामै फरार रहेका बोदेबर्साइन नगरपालिका २ बस्ने ४७ बर्षीय महेन्द्र साह, सोही मुद्दामा सोही ठाउँका ३८ बर्षीय रामसुन्दर यादव, ज्यान मार्ने उद्योगमा बोदेबर्साइन नगरपालिका १० बस्ने ५९ बर्षीय खगेन्द्र यादव, कुटपिट मुद्दाका सुरुङ्गा नगरपालिका ९ बस्ने ४० बर्षीय नरसिहं चौधरी, सोही मृुद्दामा खड्क नगरपालिका ९ बस्ने फागु मण्डल, जारी मुद्दामा यही नगरपालिका ६ कि संगीताकुमारी चौधरी, यही मुद्दामा यही ठाउँका बद्री चौधरीलाई पक्राउ गरिएको छ ।
लुटपाट मुद्दामा खड्क नगरपालिका ६ का नजबुद मियाँ, ठगी मुद्दामा सोही ठाउँका राजकुमार साहलाई पक्राउ गरिएको छ भने कुटपिट अंगभंग मुद्दाका फरार अभियुक्त राजगढ गाउँपालिका २ बस्ने बलवीर कुमार यादवलाई पनि पक्राउ गरिएको सप्तरी प्रहरीका प्रवक्ता एवं डिएसपी तिलक भारतीले जानकारी दिए ।
जरिवाना नतिर्नेका पारिवारिक सदस्य पक्राउ
अदालतमा मुद्दा फैसला भएपनि जरिवाना नतिरेका व्यक्तिका पारिवारिक व्यक्तिलाई पनि पक्राउ गरिएको छ ।
डीएसपी भारतीका अनुसार लुटपिट मुद्दामा जरिवाना तोकिएका खडक नपा ९ बस्ने महिनारायण चौधरीको हकमा भाइ दीपनारायण चौधरी, लेनदेन मुद्दामा सोही ठाउँका मिश्रीलाल चौधरीको हकमा छोरा अरुणकुमार चौधरी र जालसाँझी मुद्दामा सोही ठाउँका सुखैर चौधरीको हकमा उनकी पत्नी सुकमारदेवी चौधरीलाई पक्राउ गरिएको छ ।

कमेन्ट गर्नुहोस्
सम्बन्धित

(एबिसि संचार )                                                        प्रहरीले काठमाडौँको जडिबुटीबाट चोरी गरेको आरोपमा एक युवकलाई पक्राउ गरेको छ । काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले काभ्रेपलाञ्चोक तिमाल ७ स्थायी घर […]

(एबिसि संचार ) प्रहरी महानिरीक्षक बसन्तबहादुर कुँवर इन्टलपोलको ९१औं महासभामा सहभागी भएर स्वदेश फिर्ता भएका छन् । उनी अन्तराष्ट्रिय प्रहरी संगठन (इन्टरपोल)को सचिवालयले मंसिर १२ देखि १५ गतेसम्म आयोजना गरेको महासभामा सहभागी हुन अष्ट्रियाको भियना गएका थिए । उनीसँगै महासभामा सहभागी भएका इन्टरपोल शाखा प्रमुख प्रहरी उपरीक्षक अनुपम शमशेर जबरासहितको टोली पनि स्वदेश फिर्ता भएको […]

(एबिसि संचार )                                                              खेतान समूहअन्तर्गतको सरस बेभरेजेजले थाईल्याण्डको लोकप्रिय इनर्जी ड्रिंक्स रेड्बुल नेपालको नवलपुरको अमरापुरीमा आफ्नै फ्याक्ट्री स्थापना गरी उत्पादन तथा बिक्रिवितरण सुरुवात गरिएको जानकारी […]