बाँके । नेपालगन्जको जमुनाहा नाकामा कडाई गरेको सशस्त्र प्रहरीले बाँकेका विभिन्न सहायक नाकामा पनि उत्तिकै कडाई गरेको छ ।
सशस्त्र प्रहरी बल नेपाल ३० गण हेडक्वार्टर बागेश्वरीको एसपी भीमबहादुर चन्दले
कमाण्ड सम्हालेपछि सशस्त्र प्रहरीले अवैध सामान धमाधम बरामद गर्न थालेको छ । व्यक्तिगत प्रयोजनका लागि ल्याउन लागेको सामानमा समेत कडाई गरेको सशस्त्र प्रहरीले तस्करी भइरहेका सामान धमाधम नियन्त्रणमा लिएर नेपालगन्ज भन्सार कार्यालयलाई बुझाउँदै आएको छ ।
अवैध सामान नियन्त्रण गर्न खरो रुपमा उत्रिएको सशस्त्र प्रहरी बल नेपाल नम्बर ३० गण हेडक्वार्टर वागेश्वरी र मातहतका विओपीहरुले विहीवार चार लाख १२ हजार ३०५ रुपियाँ बराबरको अवैध सामान बरामद गरि नेपालगन्ज भन्सार कार्यालयलाई बुझाएको छ ।
अवैध रुपमा भारतबाट ल्याउँदै गरेको सामान बरामद गर्दै आएको सशस्त्र प्रहरीले विहीवार लत्ताकपडा, किरानाका सामान, इलेक्ट्रोनिक्स र ब्रोइलर कुखुरा बरामद गरेको हो ।
सरकारको नीति कार्यान्वयनलाई तदारुकताका साथ लागू गर्न एसपी चन्दले मातहतका विओपीलाई कडा निर्देशन दिएपछि भारतबाट अवैध रुपमा भित्रिने सामान धमाधम बरामद हुन थालेको एक सशस्त्र प्रहरी अधिकृतले बताए । ‘भारतबाट अवैध रुपमा सामान भित्रिन नदिन कडा रुपमा लाग्न गृह मन्त्रालयको निर्देशन छ । सोही निर्देशन बमोजिम जिल्लामा लाग्न एसपी चन्द सावले मातहतका विओपीलाई कडा निर्देशन छ,’ ति सशस्त्र प्रहरी अधिकृतले भने ।
काम गर्ने इच्छाशक्ति भए परिणाम ल्याउन सकिन्छ भन्ने उदाहरण सशस्त्र प्रहरी बल नेपाल नम्बर ३० गण हेडक्वार्टर वागेश्वरीका गणपति एसपी चन्दले देखाएका छन् । उनी यहाँ आएपछि तस्करहरुको भागाभाग भएको छ नै राजस्वमा समेत बृद्धि भएको छ । ‘तस्करी रोकिने वित्तिकै राजस्व बढ्नै नै भयो,’ ति सशस्त्र प्रहरी अधिकृतले भने, ‘भन्सार शुल्क लिएर मात्र सामान ल्याउन दिने नियमले नेपालगन्ज भन्सार कार्यालयको राजस्व बृद्धि भएको देखिन्छ ।
