धनुषा । बटेश्वर गाउँपालिका-५ शान्तिपुरमा लेनदेन विवादको विषयमा प्रहरीले ज्यादती गरेको आरोप लागेको छ।
पीडित महिलाका अनुसार अदालतको अनुमति बगैर खानतलासीको नाउँमा प्रहरी घरभित्र पसेर तोडफोड गर्नुका साथै उदण्ड मच्चाएको थियो।
प्रहरीले कानुनी प्रक्रिया नअपनाई घरमा पसेर आतंकित बनाएको उनको भनाइ छ। घटनाले स्थानीयमा त्रास फैलिएको र प्रहरीको व्यवहारप्रति आक्रोश बढेको स्थानीयले बताएका छन् ।
यस विषयमा सम्बन्धित प्रहरी कार्यालयको आधिकारिक प्रतिक्रिया आउन बाँकी छ ।