जेठ २०, काठमाडौं । नेपाल कम्युनिष्ट पाटी (नेकपा)को केन्द्रीय सदस्य तथा प्रतिनिधि सभा सांसद अन्जना बिशङ्खेले दक्षिणकाली नगरपालिकालाई स्वास्थ्य सामाग्री प्रदान गर्नुु भएको छ ।
दक्षिणकाली नगरपालिकाको मेयर मोहन बस्नेत, उपमेयर बसन्ती तामाङ(डंगोल), वडा अध्यक्ष लगायत जनप्रतिनिधी, स्वास्थ्य शाखाका प्रतिनिधीहरु, नेकपाका प्रदेश, जिल्ला, नगर कमिटीका नेताहरुको उपस्थितिमा स्वास्थ्य सामाग्री वितरण गरिएको हो । स्वास्थ्य सामाग्रीहरुमा माक्स, पिपिए सेट, चस्मा, सेनिटाईजर, एनएक्स माक्स र पञ्जा प्रदान गरिएको थियो ।
स्वास्थ्य सामाग्री वितरण कार्यक्रममा सांसद बिशङ्खेले स्वास्थ्य सामाग्रीको सहि तरिकाले उपयोग गरि सबै वडाका स्वास्थ्य केन्द्रमा पुगोस भन्ने आशय व्यक्त गर्नु भएको थियो । उहाँले भन्नुभयो – “दिईएको सामान स्टोरमा मात्र नभई सबैको प्रयोगमा आओस ।”
