ABC (क्राईमबिट)
बिरगंज । पर्सा प्रहरीले ६ लाख रकमसहित हुण्डी कारोबार गर्ने एक जनालाई पक्राउ गरेको छ ।
‘पक्राउ पर्नेमा जिल्ला पर्सा वीरगञ्ज महानगरपालिका वडा नं १ बस्ने ६० वर्षिय स्वामिनाथ प्रसाद साह तेली रहेको प्रहरीले जनाएको छ ।
जिल्ला प्रहरी कार्यालय पर्सा मातहत प्रहरी चौकी इनर्वाबाट वीरगंज महानगरपालिका वडा नं १६ शंकराचार्य गेटमा नियमित चेकिङ्गमा खटिएको प्रहरी टोलीले भारतबाट वीरगंजतर्फ आउदै गरेको ना ८ प १८७ नम्बरको हिरो होन्डा सपेलेण्डर मोटरसाइकललाई रोकी जाँच गर्दा मोटरसाइकल चालक तेलीले लगाएको पाइन्टको अगाडि पट्टीको खल्तीमा श्रोत नखुलेको नेपाली ६ लाख रुपैयाँ फेला परेको प्रहरीले जनाएको छ ।
उक्त रकम तथा मोटरसाइकल बरामद गरी निज तेलीलाई नियन्त्रणमा लिई जिल्ला प्रहरी कार्यालय पर्सामा ल्याई बैंक तथा वित्तीय संस्था सम्बन्धि ऐन २०७३ विरुद्धको कसुरमा अनुसन्धान अगाडि बढाइएको जिल्ला प्रहरी कार्यालय पर्साका प्रहरी प्रवक्ता डिएसपी ओमप्रकाश खनालले बताए।
