ABC (क्राईमबिट)
बाँके । जिल्ला प्रहारी कार्यालय बाँकेबाट खटिएको प्रहरी टोलिले प्रहरी र पत्रकारको नाम दुरुपयोग गरेर पैसा असुली गर्ने २ जना पक्राउ गरेको छ । नेपालगन्ज उपमहानगरपालिका ८ बस्ने ३० वर्षीय अब्दुल जोलाहा र कैलाली धनगडी घर भएका हाल महेन्द्र बहुमुखी क्याम्पसको होस्टेलमा बस्ने २६ बर्षका महेशसिंह ऐरीलाई प्रहरीले पक्राउ गरेको हो ।
क्याम्पस नजिकै अटो रिक्सा रोकेर कहिले पुलिस कहिले पत्रकार भन्दै उनीहरुले असुली गर्दै आएका थिए । त्यही क्रममा जिल्ला प्रहरी बाँकेको टोलीले उनलाई पक्राउ गरेको हो । उनीहरु लागुपदार्थ दुव्र्यसनीकर्ता भएको प्रारम्भिक अनुसन्धानबाट खुलेको छ ।
उनीहरु यसअघि पनि पक्राउ परेका थिए । उनीहरुमाथि थप अनुसन्धान भइरहेको बाँके प्रहरी प्रमुख एसपी श्याम कृष्ण अधिकारीले जानकारी दिनुभएको छ ।
