नेपालगन्ज- बर्दियाको राजापुरमा फाल्गुन १० गते नि:शुल्क स्वास्थ्य शिविर हुनेभएको छ। आइतबार नेपालगन्जमा आयोजक टिमले पत्रकार सम्मेलन गरि सो शिविरको बारेमा औपचारिक जानकारी दिएको हो।
विगत लामो समय शिक्षा प्रदान गरेको श्री गणेश बाबा बोर्डिङ स्कुलका पुर्व विद्यार्थीहरुले गर्न लागेको उक्त स्वास्थ्य शिविर यहीँ फागुन १० गते हुनेछ।
करिब १० वर्षदेखि नेपालगन्जमा विभिन्न इभेन्ट गर्दै आएको एक्स जेनेरेसन, नितेश कन्स्ट्रक्सन राजापुर बर्दिया,तुलसी निर्माण सेवा बर्दिया,राजापुर राइस मिल राजापुर र अर्चना ट्रेड एण्ड सप्लायर्स नेपालगन्जको आयोजनामा उक्त शिविर हुन लागेको एक्स जेनेरेसनका प्रेसिडेन्ट संयोगजंग शाहले बताए।
राजापुर वासीहरुलाई स्वास्थ्य सम्बन्धि जानकारी दिने र भेरी अंचल अस्पतालका दक्ष चिकित्सकहरु द्वारा स्वास्थ्य जाँच गराउने उद्देश्य आयोजना गरिएको शिविर राजापुर उद्योग वाणिज्य संघ बर्दियाको प्राङ्गणमा हुनेछ। उक्त शिविर मा डा.पारस श्रेष्ठ (फिजिसियन) डा. नवीन बुढाथोकी (स्त्रीरोग बिशेषज्ञ) डा. हरी पौडेल (न्युरो सर्जन) को टिम आउने छ। यो शिविर पुर्ण रुपमा निःशुुल्क हुनेछ । चेकजाच र अौषधी निःशुुल्क हुने शाह ले जानकारी गराउनु भयो ।
श्री गणेश बाबा बोर्डिङ स्कुलका पुर्व विद्यार्थीहरुले
उक्त स्कुलका पुर्व शिक्षक तथा सहपाठी समर्पित गर्दै निशुल्क स्वास्थ्य शिविर गरिएको बताइएको छ।
