महेन्द्र सिंह
घोराहीको केन्द्र्मा रहेको खुला तथा सार्बजनिक जग्गा मासी संरचना निर्माण गर्ने कुराले हाम्रो पार्टी राष्ट्रिय जनमोर्चा को गम्भीर ध्यानाकर्षण भएको छ । खाध सस्थानको स्वामित्वमा रहेको खुला तथा सार्बजनिक क्षेत्र जो विभिन्न सार्वजनिक सभा समारोह गर्नको लागि र प्राकृतिक बिपत्तिको बेला पनि उपयोगी हुने स्थान हो । बजार क्षेत्रमा एउटा राम्रो उधानको अभाब छ । त्यसलाई उधानको रुपमा प्रयोग गरेर भुकम्प जस्ता प्राकृतिक बिपत्तिको बेला प्रयोग गर्न पनि सकिन्छ । त्यसैले त्यस क्षेत्र लाई संरक्षण गरि खुला र सार्बजनिक क्षेत्रकै रुपमा राख्न सम्बन्धित सरोकारवाला सबैसित अनुरोध गर्न चाहान्छौ ।
