तेज वली
तुलसीपुर मोटरसाईकल दुर्घटना हुँदा दाङ तुलसीपुर स्थित शान्तिदिप प्राबिधिक शिक्षालयका प्रमुख बसन्त भण्डारीको मृत्यु भएको छ भने अर्का एक जना घाईते भएका छन् ।
मोटरसाईकलमा सवार रही अस्वाराबाट तुलसीपुर आउँदै गरेको अबस्थामा सोमबार राति १२ बजे तिर गहते खोलामा दुर्घटना हुँदा चालक तुलसीपुर उपमहानगरपालिका वडा नं ६ गुम्राहचोक निवासी २९ बर्षीय बसन्त भण्डारीको मृत्यु भएको प्रहरीले बताएको छ ।
ईलाका प्रहरी कार्यालय तुलसीपुरका प्रहरी प्रमुख डिएसपी शिवबहादुर सिंहका अनुसार रा ५ प ४७५९ नम्बरको मोटरसाईकल दुर्घटना हुँदा अर्का सवार दंगीशरण गाउँपालिका वडा नं ६ श्रीगाउँ निवासी २६ बर्षीय गोविन्द केसी घाइते भएका छन् ।
