१९ फाल्गुण २०८०, शनिबार
02-03-2024 , Sat
×

बाँके प्रहरीले हराएको पैसा फेला पारी सम्बन्धित ब्यक्तिलाई बुझाउदै एसपी राना

Logo
प्रकाशित मंगलबार, मंसिर २३, २०७७

(महेन्द्र सिंह) बाँके                                             प्रहरीले रिक्साबाट हराएको ७ लाख ४० हजार नगद २४ घण्टामा फेला पारि सम्बन्धित ब्यक्तिलाई बुझाउन सफल भएकोछ । फेला पारेको ७ लाख ४० हजार रुपैयाँ बाँकेका प्रहरी प्रमुख एसपी ओम बहादुर रानाले पीडित दत्तबहादुर नाथलाई मङ्गलबार बुझाउन सफल भएका हुन् ।
रोजगारीका शिलशिलामा भारतबाट फर्केका घोराही नगरपालिका वडा नम्बर– ५, धर्ना बस्ने ५४ वर्षिय दत्त सोमबार नेपालगन्जको पुष्पलाल चोकबाट कारकाँदो जानेक्रममा ७ लाख ४० हजार रुपयाँ रहेको उनको झोला रिक्सामै छुटेको थियो ।
वर्षभरी मेहनगरि कमाएको रकमसहितको झोला हराएलगत्तै दत्तले जिल्ला प्रहरी कार्यालयमा सोमबार निवेदन दर्ता गराएका थिए । दत्तले निवेदन दर्ता गराएलगत्तै जिल्ला प्रहरी कार्यालय बाँकेका प्रहरी निरीक्षक ईश्वरदेव गिरीको कमाण्डमा खटेको प्रहरीले अनुसन्धान अघि बढाएको थियो ।
प्रहरीले नेपालगन्ज उपमहानगरपालिकामा जडान गरिएको सिसी टिभि फुटेजको सहयोगमा अनुसन्धान गर्दै जाँदा नगदसहितको झोला नेपालगनज उप–महानगरपालिका वडा नम्बर–१४ बस्ने देशराज बर्माले चलाउने गरेको भे १ ह ५०१९ नम्बरको अटो सिक्सामा फेला पारेको बाँकेका प्रहरी प्रमुख एसपी रानाले जानकारी दिए ।
रकमसहितको झोला उक्त रिक्सामा रहेको तथ्य फेला परेपछि प्रहरीले रिक्सा चालक बर्मालाई खोजी गरि सकुसल उक्त रकम पीडित ब्यक्तिलाई सकुसल बुझाउन सफल भएको एसपी रानाले जानकारी दिए ।
वर्षभरी कमाएको रुपैयाँ लिएर घर फर्केका दत्त लाखौं रुपैयाँसहितको झोला हराएपछि भेटाउने आशा मारेको बताए । उनले भने–‘प्रहरीको सक्रियताले हराइरहेको रुपैयाँ प्रहरीले २४ घण्टामै फेला पारि सकुसल उपलब्ध गरायो ।’ हर्षित हुदैँ उनले अगाडी भने–‘यही घटना भारतमा भएको भए मैले हराइरहेको पैसा पाउने थिए । धन्यबाद छ बाँके प्रहरीलाई ।’
यसअघि, बाँके बैजनाथ गाउँपालिका वडा नम्बर– ३ बस्ने राधिका बिकको मंसिर १० गते दमराबाट बानियाँभार जाने क्रममा नगद चार लाख रुपैयाँ रहेको उनको झोला बसबाट हराएको थियो ।
चार लाख नगद सहितको झोला हराएको भनि वडा प्रहरी कार्यालय नेपालगन्जमा राधिकाले निवेदन दिए पश्चात वडा प्रहरी कार्यालय नेपालगन्जका प्रहरी प्रमुख प्रहरी निरीक्षक खड्का स्वयं अनुसन्धानमा खटेका थिए ।
कोहलपुर चौराहमा रहेको सिसी टिभिले कैद गरेको फुटेजबाट निरन्तर अनुसन्धान गरिरहेका प्रहरी निरीक्षक खड्काले पाँचौ दिनमा हराइरहेको रकम सकुसल फेला पारि पीडित राधिकालाई उपलब्ध गराएका थिए ।
लामो समय सिआइबीमा काम गरेका निरीक्षक खड्का अपराध अनुसन्धानमा अब्बल मानिन्छन् ।

कमेन्ट गर्नुहोस्
सम्बन्धित

रौतहटको इशनाथ नगरपालिकामा अनिश्चितकालीन कर्फ्यु आदेश जारी भएको छ। मूर्ति बिसर्जनको विषयलाई लिए दुई पक्षबीचको विवाद समाधान नभएपछि रौतहटका प्रमुख जिल्ला अधिकारी हिरालाल रेग्मीले आज साँझ ५ बजेदेखि लागु हुनेगरी कर्फ्यु जारी गरेका हुन्। इशनाथ नगरपालिकाको ६ र ७ मा सरस्वतीको मूर्ति बिसर्जनको विषयलाई लिएर २ गतेदेखि विवाद उत्पन्न भएको थियो।विवाद समाधानका लागि प्रमुख जिल्ला […]

(एबिसि संचार )                                                              कञ्चनपुरको एक होटलमा जुवातास खेलिरहेको अवस्थामा ५ जना जनालाई प्रहरीले पक्राउ गरेको छ । भिमदत्त नगरपालिका-४ स्थित सहारा होटलमा जुवातास खेलिरहेको अवस्थामा […]

(एबिसि संचार )                                                                ललितपुरको इमाडोलमा लुगा सुकाउने क्रममा इनारमा खसेकी महिलाको सकुशल उद्धार गरिएको छ । २८ वर्षीया नुतन प्रधानको सकुशल उद्धार गरिएको सशस्त्र […]