(तेज वली)
तुल्सीपुर। दाङबाट करिब साढे तीनलाख नगदसहित १५ जुवाडे पक्राउ गरेको छ । शनिबार साँझ ६ बजेतिर तुलसीपुर उपमहानगरपालिका वडा नं.६ बरुवागाउँ निवासी खुमानसिंह वलीको घरमा जुवा खेलिरहेको अबस्थामा उनीहरुलाई पक्राउ गरिएको ईलाका प्रहरी कार्यालय तुलसीपुरका प्रहरी प्रमुख डिएसपी शिव बहादुर सिंहले जानकारी दिनुभएको छ ।
उहाँका अनुसार तीन लाख ३९ हजार ६ सय ६० रुपैँयासहित ३७ बर्षीय ओमकार वली, ४२ बर्षीय ज्ञान बहादुर डाँगी, ३७ बर्षीय नर बहादुर डांगी, ४६ बर्षीय लिले बस्नेत, २७ बर्षीय डम्मर केसी, ४१ बर्षीय पुर्ण बहादुर डांगी, ५२ बर्षीय थल बहादुर बुढाथोकी, ३७ बर्षीय खुमान सिंह वलीलाई पक्राउ गरिएको हो ।
त्यस्तै ३७ बर्षीय राम रोशन बस्नेत, ५० बर्षीय लाल बहादुर गुरुङ्ग, ५० बर्षीय कुसल शर्मा, ४५ बर्षीय नउले भण्डारी, ४७ बर्षीय चन्द्र प्रकाश अधिकारी, ४७ बर्षीय राम चन्द्र डांगी, ५० बर्षीय प्रशुराम पुनलाई पक्राउ गरिएको हो ।
उनीहरुको साथबाट ४ गड्डी तास समेत बरामद गरिएको डिएसपी सिंहले बताए ।
