ABC Sanchar
काठमाडौँ । प्रचण्ड–नेपाल समूहले आम हड्ताल गरेकै दिन सङ्कटकालकै झल्को दिने गरी नेपाली सेनाले बख्तर बन्द गाडीहरूलाई बुटवलका सडकमा घुमाएको छ । पूर्व जानकारी विनै बख्तर बन्द गाडीहरू घुमाएपछि राजमार्ग चौराहा बन्द गराइरहेका कार्यकर्ताहरू अचम्ममा परेका थिए ।
सेनाले बख्तर बन्द गाडी देखाएर डराउन खोजेको एक कार्यकर्ताले जानकारी दिए । बुटवल बेसक्याम्पबाट निकालिएका ४ वटा बख्तर बन्द गाडी राजमार्ग चौराहा हुँदै गोल पार्कतिर लगिएको थियो ।
यसबारे भने आन्तरिक जानकारी आफूहरूलाई भएको नेपाल प्रहरीका एक जवानले बताए । ‘हामीलाई थाहा थियो ।’ उनले भने, ‘आन्तरिक सर्कुलेसन भएको थियो ।’ आर्मीले यसबारेमा केही बोलेको छैन ।
मुख्य राजमार्ग बाहेक बुटवलका भित्री सडकहरूका पसल व्यवसाय भने आंशिक मात्रामा सञ्चालन भइरहेका छन् । ई–रिक्साहरूलाई मुख्य राजमार्गबाहेक अन्यत्र रोकिएको छैन । स्रोत सर्बोच्च ड्ट्कम
