ABC Sanchar
काठमाडौं । नेपाल कम्युनिस्ट पार्टी (नेकपा)को प्रचण्ड- नेपाल समूहले आयोजना गरेको आमसभामा प्रवक्ता नारायणकाजी श्रेष्ठले पत्रकार ऋषि धमालालाई हप्काएका छन् ।
सभामा १० जना वक्ताहरुले सम्बोधन गरिसकेपछि सम्बोधन गर्न आएका नेता श्रेष्ठले हल्ला नगर्न भन्दै पत्रकार ऋषि धमलासहित पत्रकारहरुलाई हप्काएका हुन् ।
आफूले भाषण गरिरहेको बेला पत्रकार धमलाले कार्यक्रममा सहभागी भएका अरु नेताको अन्तर्वार्ता लिन थालेपछि श्रेष्ठले भाषकै बीचमा उनलाई रोक्नु परेको हो ।
भाषण गर्दा गर्दै बीचमा रोकिएर श्रेष्ठले भने, ‘एकछिन त्यहाँ पत्रकार साथीहरुले अरु केही नगर्दिनुहोला । पत्रकार साथीहरु, हामी यहाँ सभा सञ्चालन गरिरहेका छौं । तपाईंहरु त्यहाँ चुप लागिदिनुहोस् । सुन्नुभो ऋषि धमला जी, ऋषि धमला जी, तपाईं त्यहाँ अर्को कार्यक्रम नगर्नुहोस् । चुप लाग्नुहोस्, तपाईं चुप लाग्नुहोस् ।’
नेता श्रेष्ठले सभा सकिए पछि मात्रै अन्तर्वार्ता लिन पनि पत्रकारहरुलाई अनुरोध गरे । ‘उहाँले राम्रै काम गर्नुभएको थियो जनसमुदायको बीचमा अन्तर्वार्ता लिँदै । तर अहिले हैन, पछि लिन विनम्र अनुरोध गर्दछु,’ नेता श्रेष्ठले भने ।
