२९ साउन २०८२, बिहिबार
14-08-2025 , Thu
×

नेपाल पत्रकार महासंघ दाङकाे नयाँ नेतृत्वका लागि २६३ मत खस्यो

Logo
प्रकाशित बुधबार, चैत्र २५, २०७७


(ABC Sanchar)
दाङ । नेपाल पत्रकार महासंघको नयाँ नेतृत्व चुन्न बुधबार भएको निर्वाचनमा उत्साहजनक मत खसेको छ । दाङ सहित देशभरका महासंघको नेतृत्व चुन्न एकसाथ प्रत्यक्ष निर्वाचन प्रणाली मार्फत् निर्वाचन भएको हो । दाङ सहित देशभरका करिब एक सय मतदान केन्द्रमार्फत महासंघका १३ हजार १२२ पत्रकारले मतदान गरेका हुन् ।

जिल्ला प्रदेश, केन्द्रीय, र सम्बन्धित शाखाहरुको नेतृत्व चयनका लागि महासंघले एक साथ मतदानको व्यवस्था मिलाएको थियो । महासंघको नेतृत्वमा पुग्न विभिन्न राजनीतिक दलनिकट पत्रकारका संघठनहरुले प्यानल बनाएर चुनावी मैदानमा छन् । यस्तो प्यानल केन्द्रदेखि प्रदेश, जिल्ला हुँदै शाखाहरु सम्म बनेको छ ।

यसै बीच नेपाल पत्रकार महासंघ दाङको २० पदका लागि बुधबार सम्पन्न निर्वाचनमा ९५ प्रतिशत मत खसेको छ । कुल २ सय ७६ मतदाता रहेको महासंघको निर्वाचनमा ९५ दशमलव २८ प्रतिशत मत खसेको निर्वाचन समिति संयोजक सुदीप गौतमले जानकारी दिएका छन् । बिहान ९ बजेदेखि बेलुका ५ बजेसम्म भएको मतदानमा मतदाताको उत्साहजनक सहभागीता रहेको छ । २६औं अधिवेशनमार्फत तय भएको निर्वाचनमा दाङमा पहिलो मतदान नेपाल पत्रकार महासंघको केन्द्रिय अध्यक्ष पदका उम्मेदवार विपुल पोख्रेलले गरेका थिए ।

संयोजक गौतमका अनुसार कुल २७६ मतदातामध्ये २६३ जनाले मतदान गरेका छन् । मतदानमा १३ जना अनुस्थित भएका छन् । अनुस्थित हुनेहरुमा केही जिल्ला बाहिर रहेका, केही बिरामी भई उपचाररत रहेका र केही देश बाहिर रहेका छन् । यो अवस्था हेर्दा दाङमा शतप्रतिशत सरह मत खसेको मान्न सकिने नेपाल पत्रकार महासंघ दाङ शाखा अध्यक्ष सविन प्रियासनले बताए ।

अब मतगणना कार्य बिहीबार बिहान ८ बजेबाट हुने भएको छ । मत पेटिकालाई निर्वाचन समितिले मुचुल्का उठाई पर्यवेक्षक तथा सुरक्षाकर्मीको रोहबरमा महासंघमै राख्ने भएको छ । नेपाल पत्रकार महासंघ दाङ शाखा अध्यक्ष प्रियासनले आगामी कार्यकालका लागि नेतृत्व चुन्न भएको निर्वाचनमा पत्रकारहरुको उत्साहजनक सहभागीता रहेको भन्दै सबैलाई आभार प्रकट गरेका छन् ।

जिल्लाको निर्वाचनमा दुईवटा प्यानलबीच प्रतिष्पर्धा भईरहेको छ । चुनावी मैदानमा प्रेस चौतारीको तर्फबाट दुर्गालाल केसीको नेतृत्व र प्रेस संगठन, प्रेस युनियन र प्रगतिशिल पत्रकार संघबाट लक्ष्मी आचार्यको समूह प्रतिस्पर्धामा छ । २० सदस्यीय कार्य समितिमा ४२ जनाको उम्मेदवारी परेको छ ।  जिल्लाबाट यस पटक प्रदेश र केन्द्रीय पदाधिकारीलाई मतदान गर्ने व्यवस्था मिलाइएको हुँदा यस पटकको निर्वाचन विगतभन्दा फरक अनुभूति गरिएको पत्रकारहरुले बताएका छन् । ४ वटा बेग्ला बेग्लै मत पत्रमा कुल ९६ जनालाई मतदान गर्ने गरी व्यवस्था मिलाइएकाले एक जना मतदातालाई मतदान गर्न कम्तिमा २० मिनेट लागेको थियो ।

कमेन्ट गर्नुहोस्
सम्बन्धित

दाङ । भालुबाङ नेपाल पत्रकार महाससंघ लुम्बिनी प्रदेश समितिले राष्ट्रिय स्वतन्त्र पार्टी (रास्वपा) का नेता पार्थिवेन्द्र उपाध्यायले पत्रकार र सञ्चारमाध्यममाथि दिएको अमर्यादित र प्रेस स्वतन्त्रताविरोधी अभिव्यक्ति तत्काल फिर्ता लिन जोडदार माग गरेको छ । महासंघ लुम्बिनी प्रदेश समितिका महासचिव पाण्डवप्रसाद शर्माले विज्ञप्ती जारी गरेर रुपन्देही निर्वाचन क्षेत्र नं. ३ मा आगामी कार्तिक १७ गते हुने […]

बाँके । नेपालगञ्ज उपमहानगरपालिका १४, उधौपुरवामा ठूलो मात्रामा लागुऔषध, नगद रकम र सुन–चाँदीका गहना बरामद गरेको छ। विशेष सूचनाका आधारमा जिल्ला प्रहरी कार्यालय बाँके र लागुऔषध नियन्त्रण ब्युरो, नेपालगञ्जको संयुक्त टोलीले मंगलबार साँझ ८ बजे उक्त क्षेत्रमा बसोबास गर्ने २८ वर्षीय रमेश लोनियालाई घर नजिकै शंकास्पद अवस्थामा पक्राउ गरी खानतलासी गर्दा उनको साथबाट १५ ग्राम […]

राप्ती प्रतिष्ठानमा पहिलोपटक ब्रेन ट्युमरको सफल अप्रेसन दाङ । राप्ती स्वास्थ्य बिज्ञान प्रतिष्ठानमा पहिलोपटक यति ठुलो ब्रेन ट्युमरको अपरेशन सुरु भएको छ । न्युरो सर्जन डा. उपमा शर्मा नेतृत्वको चिकित्सक, नर्शसहितको स्वास्थ्यकर्मिको टाेलिले बुधबार एक जना बिरामिको ब्रेन ट्युमरको अप्रेसन गरेको हो । बिरामीको अबस्था सामान्य रहेको अस्पतालले जनाएको छ । प्रतिष्ठानका रजिस्ट्रार प्रा. श्याम […]

error: Content is protected !!