ABC (क्राईमबिट)
काठमाडौं । Vistara Airlines को उडान नं. UK156 द्वारा काठमाण्डौंबाट भारतको दिल्ली जान लागेका निम्न थाई नागरिकहरुले लिई आएको ह्याण्ड व्यागेजहरुलाई यस त्रिभुवन अन्तर्राष्ट्रिय विमानस्थलको अन्तर्राष्ट्रिय उडानतर्फको प्रस्थान ह्याण्ड ब्यागेज चेकिङ एरियाको महिलातर्फको X-ray Machine मा चेकजाँच गर्ने क्रममा निजहरुले बोकी आएको ह्याण्ड व्यागेजहरु भित्र तपशिलमा उल्लेखित नेपालमा प्रतिबन्धित गरिएको भारतीय मुद्राहरु लुकाई छिपाई भारततर्फ लैजान लागेको अवस्थामा फेला पारिएको हुँदा आवश्यक अनुसन्धान एवं कारबाहीको लागि राजश्व अनुसन्धान विभाग, हरिहरभवन पुल्चोक, ललितपुरमा बुझाइएको ।
तपशिल:
थाई नागरिक वर्ष ३२ की WANWISA JANTASAN ले लिई आएको खैरो रंगको लेडिज ह्याण्ड व्याग भित्र नेपालमा प्रतिबन्धित गरिएको भारतीय रुपैया २००० दरको थान- ४ र ५०० दरको थान- ३४३ गरी जम्मा भारतीय रुपैया १,७९,५००।– (एक लाख उनानअसी हजार पाँच सय मात्र) ।
थाई नागरिक वर्ष ४१ की WARAPORN KHUNSOMBAT ले लिई आएको खैरो रंगको लेडिज ह्याण्ड व्याग भित्र नेपालमा प्रतिबन्धित गरिएको भारतीय रुपैया ५०० दरको थान- २३० ले जम्मा भारतीय रुपैया १,१५,०००।– (एक लाख पन्ध्र हजार मात्र) ।
