(ABC-Sanchar)
काठमाडौं । लुक्लाबाट काठमाडौंका लागि उडेको सम्पर्कविहिन मनाङ एयरको हेलिकप्टर सोलुखुम्बुको लिखुपिके गाउँपालिका– ५ भकान्जेस्थित लामाजुराको च्यानडाँडामा दुर्घटनाग्रस्त अवस्थामा भेटिएको छ ।
कोशी प्रदेश प्रहरी प्रमुख राजेशनाथ बाँस्तोलाका अनुसार घटनास्थलमा असई निराजन बस्नेतको टोली पुगेको छ । उनका अनुसार घटनास्थलमा स्थानीयहरुको सहयोगमा खोजी कार्य गर्दा ४ जनाको शव फेला परेका छन् भने दुई जनाको खोजी कार्य जारी रहेको छ ।
आज बिहान १० बजे सोलुखुम्बुको सुर्केबाट उडेको हेलिकप्टर सवा १० बजे सम्पर्कविहीन भएको थियो।
