१६ वर्षमै छोरीहरुको बिहे गर्न पाउँनुपर्ने माग राख्दै प्रर्दशनमा २ जना प्रहरीको नियन्त्रणमा

(महेन्द्र सिंह)
बाँके माघ २४ नेपालगन्जको धम्बोझी चोकबाट वडा प्रहरी कार्यालय नेपालगन्जले प्रर्दशनमा उत्रिएका दुई जनालाई बिहीबार दिउँसो नियन्त्रणमा लिएको वडा प्रहरी कार्यालय नेपालगन्जका प्रहरी प्रमुख प्रहरी निरीक्षक हरि बस्नेतले जानकारी दिएका छन् ।
केही समययता नेपालगन्जमा कानुनलाई नै चुनौती दिनेगरी नेपालगन्ज, जानकी र डुडुवाका मधेसी समुदायका अभिभावकहरुले आफ्ना छोरीहरुलाई १६ वर्षमै विहे गराउन पाउँ भन्दै प्रर्दशन गरिरहेका थिए ।
पक्राउ पर्नेमा जानकी गाउँपालिका वडा नम्बर ६ का रामदेव मिश्र र डुडुवा गाउँपालिका ३ का फुलमति पाल रहेको वडा प्रहरी प्रमुख बस्नेतले बताए।