१५ चैत्र २०८०, बिहिबार
28-03-2024 , Thu
×

बर्दिया प्रहरीले २ वटा भरुवा बन्दुक सहित एकजना पक्राउ

Logo
प्रकाशित शुक्रबार, फाल्गुण २३, २०७६

सागर थापा
बर्दिया फागुन २२ जिल्ला प्रहरी कार्यालय बर्दिया प्रहरीले बिहान १० बजेको समयमा जिल्ला बर्दिया गुलरिया नगरपालिका वडा नं.९ टपरी गाँउ स्थित बस्ने बर्ष ५७ को दिप बहादुर खड्काले आफ्नो माछा पोखरीको किनारामा रहेको सानो झुपडी घरमा भरुवा बन्दुक राखेको छ भन्ने गोप्य सूचनाको आधारमा बर्दिया प्रहरीबाट खटिएको टोलीले उक्त स्थानमा गई खानतलासी गर्दा भरुवा बन्दुक थान-२, ऐ.मा लाग्ने गोली थान-१९, केप थान-१७, बारुदको डिब्बा थान-२, फलामको बेरिङ सहितको डिब्बा थान-१, फेला पारेको हुँदा उक्त बन्दुक, गोली सहित निज दिप बहादुर खड्कालाई पक्राउ गरी हातहतियार तथा खरखजना मुद्धा दर्ता गरी आबश्यक अनुसन्धान भईरहेको जिल्ला प्रहरी कार्यालय बर्दियाका प्रहरी प्रमुख एसपी राजेश बास्तोलाले जानकारी दिनुभएको छ ।

कमेन्ट गर्नुहोस्
सम्बन्धित

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।

(एबिसि संचार ) कैलालीको धनगढीबाट लागूऔषधसहित एक जना पक्राउ परेका छन्। जिल्लाको गोदावरी नगरपालिका–१० का २२ वर्षीय तेजबहादुर बोहरा लागुऔषधसहित पक्राउ परेका हुन्। धनगढी उपमहानगरपालिका–३ बाट उनी ५० मिलिग्राम ब्राउनसुगर र ९६ क्याप्सुल प्रिगाबा र १० क्याप्सुल एभिनसहित पक्राउ परेका छन्। 

(एबिसि संचार ) कञ्चनपुरमा डिभिजन वन कार्यालयभित्रै चितुवाले एक जनालाई आक्रमण गरेको छ। डिभिजन वन कार्यालय महेन्द्रनगरमा सशस्त्र वन रक्षकतर्फ जमदार पदमा कार्यरत अर्जुनसिंह थापालाई चितुवाले आक्रमण गरेको हो। डिभिजिन वन कार्यालयका प्रमुख भीम कडेलले चितुवालाई बेहोस बनाएर खोरमा हाल्ने क्रममा थापामाथि आक्रमण गरेको बताए। बेहोस भइसकेको ठानेर खोरमा लैजान खोज्दा चितुवा थापामाथि झम्टिएको थियो।