दाङ । घोराही उपमहानगरपालिका वडा नम्बर १६ स्थित ज्ञानमाला एकेडेमीमा कक्षा १० मा अध्ययनरत स्मारिका चौधरीले घोराही बनाउँ अभियानका संयोजक सविन प्रियासनको चित्र बनाएकी छिन् । अभियानले पछिल्लो समय सिर्जनशील कार्यक्रमहरू गरिरहेको भन्दै अभियानका संयोजक प्रियासनको हौसला बढाउन स्मारिकाले चित्र बनाएकी हुन् । स्मारिकाले बनाएको चित्र पाएपछि प्रियासनले सामाजिक सञ्जालमा स्मारिकाप्रति कृतज्ञता जाहेर गर्दै नयाँ वर्षको शुभकामना दिनुभएको छ। प्रियासनले लेख्नुभएको छ-
नयाँ वर्ष २०८३ को हार्दिक शुभकामना!
नयाँ वर्षको आगमनसँगै एउटा नयाँ उत्साह र संकल्पको ऊर्जा थपिएको छ। आजको यो विशेष दिनमा म मेरो पेन्सिल स्केच कोरेर माया प्रदान गर्नुहुने स्मारिका चौधरी (ज्ञानमाला एकेडेमी) लाई हृदयदेखि नै धन्यवाद दिन चाहन्छु। एउटा स्रष्टाका लागि यस्तो आत्मीय सम्मान नै सबैभन्दा ठूलो सम्पत्ति हो।
मेरो नयाँ वर्षको कामना:
यो वर्ष केवल पात्रो फेरिने वर्ष मात्र नबनोस्, बरु हाम्रो सोच र कार्यशैली फेरिने वर्ष बनोस्।
श्रम: पसिनाको मूल्य बुझिने वातावरण बनोस्।
सीप: हरेक हातमा आत्मनिर्भर बन्ने कला होस्।
उत्पादन: आफ्नै माटोमा सुन फलाउने र आत्मनिर्भर बन्ने उत्साह थपियोस्।
श्रम, सीप र उत्पादनमा लाग्ने सम्पूर्ण कर्मयोगी हातहरूमा यो नयाँ वर्षले थप ऊर्जा र सफलता प्रदान गरोस्। मेरो गृहजिल्ला दाङ, घोराही लगायत देशभरिका सबैमा सुख, शान्ति र समृद्धिको कामना गर्दछु।
सबिन प्रियासन
घोराही, दाङ
